العلاج الوهمي ”placebo

 هو بكل بساطه انت بتوهم جسمك بالعلاج 

بمعني هو عباره عن اقراص دواء وهميه بنستخدمها في وهم المريض انه اتعالج من المرض اللي كان عنده بس في بعض الامراض بس مش كلها والاقراص دي بتكون مليانه بحاجه مش هتأثر علي جسم الانسان زي مثلا سكر

اللي بيحصل انه الدماغ بيتوهم انه حد العلاج اللي محتاجه علشان يخف 

انت مثلا عندك الم معين او مصدع او عندك قلق مثلا فلما تيجي تأخد الدواء ده دماغك بتبعت اشارات لمناطق الالم انها توقفها وتشغل مناطق التحكم بالالم الموجوده في الدماغ وده كله لمجرد انك اوهمت دماغك بس بكده بس مع ذلك في امراض معقده زي السرطان دماغك مش هيقدر يأثر فيها فالعلاج ده ملهوش اي تأثير عليها

من ضمن التأثيرات اللي أثبتت علميا بعد م تاخذ الدواء ده دماغك بتفرز الاندورفين والدوبامين endorphins or dopamine اللي هي اصلا الهرمونات اللي بتتحكم وبتخفف الالم في جسمنا 

بعض الدراسات اثبتت انه مفعول الدوا ده بيكون علي حسب إيمانك بانه قادر انه يخفللك الالم 

انت اكيد قبل كده حصل معاك انك ممكن تاخد دواء وبمجرد بس ما تاخذه تحس اني الالم ضاع مع انه بيكون مثلا مش عاوز اقل من نص ساعه علشان الدوا ده يشتغل وده بسبب انك اوهمت دماغك بكده او مثلا انت رايح تجيب دوا من الصيدلية بس فيه واحد غالي وواحد رخيص والاتنين نفس الماده الفعاله انت تلقائيا هتفضل الغالي علشان عقلك موهمك بكده وده كمان ممكن لو جبت الدوا الرخيص انت هتفكر دائما انه مش هجيب نتيجه نفس الغالي فهو فعلا هيحصل كده 

حتي في الدوا الوهمي ده كل ما الحبوب كانت اكبر هتحس براحه اكبر وانه هيقدر يخفف الالم عن ما كانت الحبوب صغيره وده فعلا اللي بيحصل اما انت بتؤمن بكده 

مشكله العلاج الوهمي انه مؤقت انه بياخد ايام او اسابيع بس مع ذلك هو فعال في علاج الآلام الخفيفه العاديه 

في الاحصائيات اللي اتعملت من 30% ل 35% من الي اتعالجوا بالعلاج الوهمي خفوا وكمان وجد انه نسبه كبيره من اطباء الغرب بيستخدموا العلاج الوهمي الا انه في منظمات مش بتسمح بيه غير لما تسأل المريض وفي حاله سؤال المريض ممكن ميجبش نتيجه علشان بيدي تأثير افضل بكتير جداا لما ميكنش المريض عارف لاني زي ما وضحنا هو فكرته الاساسية معتمده علي الوهم 

من ضمن استخدماته المفيده في مثلا عندك مرض سببه فيرس بس مع ذلك المريض بيقولك انه لازم ياخد علاج وفي الحاله دي صعب ياخد مضاد حيوي علشان هيزود الفيروس اصلا معاه ففي اطباء بيدوا العلاج الوهمي ده علي اساس انه اقراص مضاده وفعلا وجدوا انه بيجيب نتيجه